3D modelaketa

3D modelaketa deritzo software espezializatu bat erabiliz edozein objektu tridimentsionalen (biziduna edo ez) errepresentazio matematikoa garatzeko prozesuari. Produktuari 3D eredu deitzen zaio. Eredu hori, batetik, bi dimentsiotan ikus daiteke, bihurketa prozesu baten ondoren, eta bestetik, fenomeno fisikoen ordenagailu bidezko simulazio batean.

Gainera, 3D inprimagailuak eta antzeko gailuak erabiliz, ereduaren forma fisikoa sor daiteke. Ereduak eskuz edo automatikoki sor daitezke. 3D grafikoei informazio geometrikoa prestatzeko erabiltzen den eskuzko prozesua eskulturan eta arte plastikoan erabiltzen denaren antzekoa da.

3D modelaketarako softwarea eredu tridimentsionalak ekoizteko erabiltzen den software mota bat da. Halako programa indibidualei modelaketa aplikazio edo modelatzaile deitzen zaie.